Մեր այգիներին հարակից տարածքում հիմնվել է մոտ 3.000 մ² ընդհանուր մակերեսով ջերմակարգավորվող սառնարանային տնտեսություն՝ կահավորված Գերմանիայից և Իրանից ներկրված սարքավորումներով։ Ավելի քան 3.500 տոննա բերքի համար նախատեսված սառնարանային համակարգը թույլ է տալիս պահեստավորել ոչ միայն սեփական արտադրանքը, այլև սպասարկել ներքին շուկան ամբողջ տարին՝ կազմակերպելով նաև արտադրանքի փուլային վաճառք և արտահանում։

Ներդրվել են վաճառքից առաջ միրգն ու բանջարեղենը տեսակավորելու հատուկ հոսքագծեր։

Սառնարանային տնտեսությունը բաղկացած է 10 խցիկից, որոնցից յուրաքանչյուրը տեղավորում է 800-1000 պլաստիկ և փայտե տարաներ՝ 300-350 կգ տարողությամբ:

Գյուղմթերքի երկարատև պահպանման նպատակով կիրառվում է «Ֆիտոմագ» տեխնոլոգիան, որն անվտանգ է մարդու առողջության և շրջակա միջավայրի համար։ Այն թույլ է տալիս առավելագույնս պահպանել մրգերի ու հատապտուղների թարմությունը, գրավչությունը, հյութեղությունն ու համը՝ միևնույն ժամանակ կանխելով սնկերի և այլ հիվանդությունների զարգացումը։

Մեր ընկերությունն այս տեխնոլոգիան մշակած «Ֆիտոմագ» ռուսական ընկերության պաշտոնական ներկայացուցիչն է Հայաստանում։